Bakit si Sir Timbal?

Sa unang araw ng klase taong panurunan 2013-2014, masaya ang lahat sa pagpasok sa Paaralan. Bagong gamit, bagong mga kaklase, at mga bagong makikilala. Ngunit nagbago ang lahat nang may isang Guro ang naglakad papunta sa harap ng klase. Maituturing na isang kahindik-hindik na sandali iyon sa kasaysayan ng aming buhay. Natahimik ang lahat. Walang gumagalaw, walang humihinga, walang kumukurap. Isang tanong lang naman ang namumutawi sa isip namin nang sandaling iyon. "Bakit si Sir Timbal?"Sa kabila ng lahat ng iyon, bakit nga ba si Sir Timbal pa ang Guro sa aking Sanaysay? Bakit hindi na lang ang iba? Bakit si Sir Timbal pa?


Siya ang natatanging Guro para sa akin dahil sa mga katangian niya na labis sa aki'y nagpahanga. Una, dahil sa kanyang pagiging strikto. Dahil sa pagiging stikto niya, nagagawa kong gumawa ng Takdang Aralin, magbasa ng Module para sa On the Spot Jackpot, nagagawa ko ring paghandaan ang aking iuulat, nagagawa kong pagbutihin ang aking pag-aaral. Pangalawa, dahil siya ay palabiro o masayahing tao sa kabila ng pagiging stikto. Nagagawa niya kaming pasayahin, napupuno ng tawanan, at harutan ang buong klase ng dahil sa kanya. Siya ang guro na marunong makisama, makihalubilo at makibagay sa kanyang mga estudyante. Pangatlo, dahil sa galing niya sa pagtuturo. Agham ang isa sa ayaw kong mga Asignatura, ngunit kinalaunan ay isa na ito sa mga paborito ko. Iyon ay dahilo sa kanya.Pang-apat, dahil sa dedikasyon niya sa trabaho. Ginagawa niya ang lahat ng pwede niyang gawin sa mga leksyon para sa lubusang maunawaan ito ng kanyang mga estudyante. Bumili siya ng Scientific Calculator para lamang ma-compute namin ng tama ang sagot. Nagdala siya n napakaraming kutsarita para lang maisagawa ang isa sa aming mga eksperiment. Mula doon, makikita mo ang adbokasiya niyang maipaintindi ng maayos ang leksyon sa kanyang mga estudyante. Panglima, dahil sa siya ay matulungin. Tinulungan niya kaming mga Officers na ayusin at pagandahin ang aming silid-aralan. Nanggaling pa sa kanya ang mga materyales na aming ginamit para dito.Pang-anim, dahil sa siya ay disiplinadong tao. Sa tikas at tindig pa lang niya sa paglalakad ay makikita na ang disiplina. Kahit sa iba pang mga bagay, tulad nang ayaw niyang nakikitang madumi at magulo ang silid-aralan. Pang-pito, dahil ito sa malasakit niya sa amin. Lahat ng mga bagay na dapat naming malaman ay ipinaaalam niya sa am-

in.Gaya ng kung anong oras ang pasok bukas? Kailan ang Periodiical Test? Anong oras gaganapin ang Palatuntunan? Lahat ng iyon, maaga pa lang ay sinasabi na niya. Pangwalo, dahil ito sa walang sawang suporta na ipinagkaloob niya sa amin. Sa lahat ng kabiguan at tagumpay na dumating sa aming pangkat, hindi siya nawala para suportahan kami. Naramdaman ko ang suporta niya katulad ng suporta ng isang magulang.Matatandaan ko noon, habang kami ay nakasalang sa pagpipresenta ng Tugsayawit, nandun siya nakasuporta sa likuran namin. Sobrang sarap ng pakiramdam na nandyan siya para alalayan kami, nandyan siya para patatagin ang mga loob namin. Higit pa sa kasiyahan ng manalo, ang makitang nandyan siya para suportahan kayo. Handa niyang patatagin ang loob niyo sa kabiguan, at handa niya ipagdiwang ang mga sandali ng tagumpay. Pang-siyam, dahil ito sa walang katapusan niyang pagbibigay ng payo sa amin. Dito ko lubos na hinangaan si Sir Timbal. Dito ko siya lubos na nakilala. Dito ko napagtanto na magkaiba pala ang Teacher sa Adviser. Ang Teacher, nagtuturo ng leksyon tungkol sa kanyang Asignatura. Ang Adviser, nagtuturo ng leksyon tungkol sa mga personal naming problema. Binigyan niya kami ng mga payo na labis na makakatulong sa amin. Ang bawat salita na kanyang binibitawan, lahat yun tumatagos sa puso ko, at lahat yun nilalagay ko sa isip ko. Di siya nagkulang sa mga payo't pangaral sa amin. Sa bawat pag-apak niya sa klase, isang magandang mensahe ang dala niya sa amin. Busog na busog kami sa bawat mensaheng iyon. Magpasa hanggang ngayon, hinahanap-hanap ko ang advice ni Sir Timbal. At ang pang-sampu, yun ay dahil sa pagmamahal na ipinaramdam niya sa amin. Hindi magiging posible ang lahat ng ito kung walang pagmamahal. Minahal niya kami at itinuring bilang mga tunay na anak. 

Napakaswerte ko dahil isa ako sa mga naging estudyante niya. Maituturing kong isang malaking biyaya ang magkaroon ng Guro na katulad ni Sir Timbal. Gusto kong magpasalamat sa lahat ng pagmamahal, suporta, malasakit, pag-aaruga, at pagpapasaya niya sa amin. Kung may babalikan man ako sa nakaraan na gusto kong mangyari sa kasalukuyan. Iyon ay ang bumalik ako sa 8-Tipulo kasama ng aking mga kaklase at syempre, ng aking Guro na si Mr. Fernando Timbal.

Happy Teacher's Day po :)

Photo Credit to Mr Fernando Timbal