Kilala niyo ba si Janjuai?
Ah. Diba, siya yung dun sa palabas na Meteor Garden. Yung kapartner ni Dao Ming Zu!
Hindi! Si San Chai naman yun eh. Si Janjuai, yung magaling sa Science. Yung tipong buong School Year siya lang lagi yung Best in Science!
Ah si Janjuai. Hindi masyado, tahimik kasi eh.
Kung ganun, hayaan mo akong ipakilala si Janjuai Agoncillo sa inyo, a.k.a HUAN SHUAI
Tahimik. Matalino. Emotionless
Ayan si Janjuai Agoncillo. Sa araw-araw ba naman kasi na papasok ka sa Paaralan, ito lagi ang paulit-ulit na Cycle na maoobsrebahan mo sa kanya. Tahimik, obvious naman diba. Ni hindi nga siya nalilista sa Noisy ni minsan eh. Matalino? Pinaka-obvious sa lahat. Kaya nga, ni hindi kami makatikim ng kahit isang Best in Science man lang kasi sa kanya lahat yun. At Emotionless? Oo, emotionless SIYA. Hindi man lang nagpapakita ng medyo konting kasiyahan o kaya naman ay kadramahan. May isa pa pala, isa siyang weirdo. Minsan hindi mo matutukoy o maiintindihan ang isang tulad niyang genius, kasi may sarili siyang mundo. Dahil nga magkaiba kayo ng mundo, talagang hindi kayo magkakaintindihan.
Maliban sa lahat nang yan. Ang isang Janjuai Agoncillo ay marunong din namang umibig. Hindi siya torpe tulad ng iba dyan. Magugulat ka na lang kung makakakita ka ng doodle art na gawa niya, tapos ang nakasulat doon sa doodle art "Janley Tinggoncillo". Pinag-samang pangalan yan nila ng crush niya. Hindi niya pa nga daw tapos kulayan yun eh.
Sa mga group report, diyan kami malakas kay Janjuai. Yung tipong walang kasiguraduhan yung irereport niyo, na mas pipiliin mo pang wag na lang magka-grade kaysa sa mag-report na mali mali naman ang sagot. Kapag ganito na ang sitwasyon, nagkakaisa ang aming grupo. "Janjuai, ikaw na!" Ayan lagi ang aming linya. Wala na siyang nagagawa. Sa ayaw at sa gusto niya, magrereport siya. Sa mga pagsusulit naman, masasabi kong, napakatotoo niya. Hindi siya nangongopya. Kapag kunyari may maling tsek kami sa mga sagot niya, winawasto niya iyon at pinapalitan ng ekis dahil alam niyang mali iyon. Na kung tutuusin, sa mga estudyante ngayon, hahayaan na lamang iyon para makakuha ng mataas na puntos, siya hindi.
Malaki rin naman ang naitutulong niya sa akin. Kapag may hindi ako alam na leksyon, sa kanya ako lagi umaasa. Siya lagi ang sumasagot sa mga tanong ko. Kapag wala akong papel, sa kanya ako humihingi at binibigyan niya naman ako. Nitong nakaraan lang ay nagdiwang siya ng kanyang kaarawan, kaya't binabati kita HUAN SHUAI!
Walang komento:
Mag-post ng isang Komento